Inthlan thlir ranin kan kal tawh dawn &#8211; Dr. Kenneth-a

Vawiin (5.10.2026) chawhma dar 11:00 khan ZPM chuan an office-ah chhung inkhawm an hmang a, ZPM Senior Vice President Dr. Kenneth Chawngliana’n thu a sawi.

Dr. Kenneth Chawngliana chuan, “Chief Minister Pu Lalduhoma kaihruai, Mipui Sawrkar – Kalphung Thar hi a daih rei ang em?’ tih hi ngaihtuah ho ila. A hun chhung mil zelin Chief Minister ropui leh nih phu tak tak kan nei thin. Mizoramah mahni pawl paih thlak tum an lo chhuak zauh zauh a; mahse, chutianga mahni sawrkar paih tum chu an dingchang ngai lo. PC-B te, Pu Denga sawrkar rei lo te paih thlatute, Congress hun laia MCP te, tu mah dingchang an awm ngai lo,” a ti.

Tun atang chuan inthlan leh thlir ranin kan kal tawh dawn thu sawiin ZMP Sr. VP chuan “ZPM hi neutral support vanga sawrkar mai mai’ min ti thin a; mahni party chakna vanga sawrkar an la awm ngai lo. Thil tha duh neutral-te duh dan zelin thil tha tih hmangin sawrkar zel kan tum,” tiin opposition-ten an sawiselnate an kheng thla zat zat zel tawh dawn thu a sawi.