Home

News

Kawng siama inhlawh thah a ni?

News

Kawng siama inhlawh thah a ni?

Kawng siama inhlawh thah a ni?

Lungphun, Mamit District khaw bul lawka kawng siama inhlawh hnamdang pakhat chu, kawng siama inhlawhve tho hnamdangin an that nia hriat a ni. An hming leh khua pawh hriatchian a la ni lo.

Thudawn danin, Lungphun khaw bul lawkah hian kawng siam hna thawk company pakhat hnuaia thawkte chu an riak khawm thin a ni. Nizan (9.9.2026) khan an inhnial buai deuh nia hriat a ni a, tum dangah pawh an inhnial thawm hriat a lo ni tawh thin.

Tukin khan Lungphun VCP chuan tualthahna a thlen thu a dawng a, YMA hruaitute chuan camp hi an pan nghal a ni. Tualthattu nia hriat mi pahnihte chu maxi cab hmang chuangin Aizawl lam an pan a, maxi cab driver hrilhhriat a nih hnuah, ani hi tlan muangin, company lam hi Tlawng Lui thlen hma deuhah an nangching. Lungbun hi Reiek piaha awm a ni.

Mi pahnihte hi Lungphun lamah hruai an ni a, YMA kutah dah an ni. West Phaileng Police hrilh nghal an ni a, he thuziahlai hian an thleng tawh a, Forensic Science Laboratory lam pawh an thleng tawh.

Hnamdang thi ta hi camp bul kawngthlang metre 100 vela hlaah hmuh a ni a, YMA hruaitute chuan puanin an tuam a, police thlen nghak. Police thlen hnuah ruang hi lak chhuah tuma hmalak a ni a, he thuziahlai hian lak chhuah a la ni lo. Kawng siama inhlawhte hi an inhnial thinrim an in thah hnuah, kawngthlangah an paih ta nia rin a ni. Police lamin an chhuizui mek.

More Posts

Aizawl DM-in thupek a chhuah

Aizawl District Magistrate chuan MZU Convocation hmang tura President Draupadi Murmu lokal dawn vangin, ni thum chhunga Lengpui leh Lok Bhavan inkar (via Sakawrtuichhun), Lok Bhavan leh MZU inkar kawnga ni thum chhung zawm tur a tarlang. MAGISTRATE THUPEK : Hon’ble President of India chuan November, 2026 chhung hian Mizoram University (MZU) ah 21 Convocation […]

PIXSELL tlangzarh a ni

Vawiin (21.11.2026) hian Lengzem Editor Vanneihtluanga’n MZP Conference Hall-ah awlsam zawk leh man tlawm taka thlalak lei leh hralhna application, PIXSELL tia vuah chu a tlangzarh. He application hi thla latute thiamna leh zahawmna vawn himna tur, tu pawhin mahni bakah thlalak duhzawng lei leh hralhna remchanga an hman theih tura duan a ni. PIXSELL […]

Kum 12 min tuiah a tla

Vawiin (21.11.26) chawhma dar 11:30 vel khan Ramlaitui khuaa kal tur Lahruaitluangi (12), Peniel Veng, Hnahthial chu Mat Luiah chetsualin tuiin a la a, he thuziahlai hian zawn mek a ni. Thudawn danin, tukin tukthuan eikham khan Lalhruaitluangi hi amah enkawltu a pi leh pute nen Ramlaitui khuaa Lalhruaitluangi nu ute tlawh turin Hnahthial atangin […]