News

Vawiin (1.8.2026) dar 1 rik hma deuh khan Khawihaiah chenna in pakhat a kang a, Lalhriatzuali (21) d/o Zonunsangi chu a kanghlum. Lalhriatzuali hi pianphunga rualban lo (vohbik) a ni.

Khawhai atanga Bengvarna thudawn danin, chenna in kang hi Ngurkhumate chhungkua chenna in a ni a, kumin kumtir lamah pawh mobile phone charger atangin an in hi a lo kang tawh a, a kan nasat hmain thelh hman a ni. Tun tuma in a kan chhan hi hriat a ni lo.

Inah hian mi pali an cheng a, a kan lai hian Lalhriatzuali chiah hi a awm a ni. A kawm chhaka sub-centre a awmte’n in kang an hmuh a, an thelh a ni. In hi a kan ral hmain thelh hman a ni a, Lalhriatzuali awmna lam erawh a kang chhe hle. Lalhriatzuali hi khumah puanin a lo intuam.

Lalhriatzuali ruang hi he thuziahlai hian a vui hun tur tihfel a la ni lo.