Sep 22, 2026
Tuesday
Sub. Hqrs. YMA, Kolasib chuan Zakaria Lalhriattluanga (29) s/o VL Duailova, New Builum tualthihna chungchangah vawiin (22.9.2026) hian thuchhuah an siam.
Sub. Hqrs. YMA, Kolasib chuan September 20, 2026 tlai lama Bualpui khaw daia thil thleng chungchangah Zakaria Lalhriattluanga mi kut tuara, nunna hial a chan pawi an tih takzet thu sawiin, “Lusun chhungte thinlung takin kan tawrhpui tak zet a ni. He pawikhawihna thleng chungchangah rinhlelh, Kawnpui Hmarveng \halaite rang taka thuneitu lam ten an man hi police-te inpekna fakawm kan ti,” an ti.
Zakaria Lalhriattluanga kutthlak tute hi rang taka hriat chhuah an nih ngei leh a mawhphurtute hi an phu tawk hremna pek ngei an nih an phut tlat tih tarlangi Sub-Hqrs. YMA Kolasib chuan, “He pawikhawihna thleng hi kan dem tak zet a ni,” tiin hun lo awm turah hetiang thil hi thleng tawh lo se an duh tak zet tih an tarlang.
