Vawiin (12.10.2026) hian Khawzawl Bawrhsap K. Vanlalthiana chuan a pisa-ah Khawzawl District chhunga Jeevan Raksha Padak award dawngtu Kawlkulh nula C. Laldinkimi leh a chhungte chu lawmpuina hun a buatsaih.
Khawzawl Bawrhsap chuan India ram puma award dawng thei mi 30 vel chauh zingah Khawzawl District atanga chawimawi tur thlanchhuah an awm thei chu lawmawm a tih thu leh he award a dawn theih nana tha leh zung leh ngaihtuahna sengtu YMA hruaitute hnenah lawmthu a sawi bawk a ni.
C. Laldinkimite hi kum 2025 kum tir lam khan an thianhoin luiah an kal a, hemi tum hian an thianpa chu tuiah a tla a ni. Dini hian a theih ang angin mau te, hmawlhte hmangin kaih chhuah a tum a, mahse a chhanchhuah theih mai loh avangin amah ngei chu tuiah a zuang thla a ni.
Chiai leh mangang buai lovin a thianpa chu vaukamah a hnuk chhuak ta a, a thiam ang angin CPR-te a ti a ni. A thianpa tuia tla chu a hnuah Saitual Hospital-ah hruai niin oxygen te pek a ni a, a tuk zingah chuan dam tha takin ngai a awh chhunzawm chho leh thei.