News

Vawiin (August 21, 2026) hian Durtlang Kawn Vengah lei tawlhin chenna in pakhat a hnawl a, nunna chan an awm lo.

Lei tawlhin chenna in a hnawlah hian mi pali an cheng a, chhiatna a thlen nasat hmain insaseng hman mah se, pa ber chuan hliam a tuar a, ngaihtuah awm erawh a ni lo. In hi luahzui tlak a ni loa, khawtlangin bungrua an senghawi.

Chhiatna thlen thu hriat a nih velah a hmunah Aizawl Mayor H Lalremtluanga, Executive Corporator Christina Roluahpuii Sailo leh Bialtu Corporator Lalhriatpuiate an kal nghal.

AMC hotute hi Durtlang Local Council Chairman leh a thawhpuiten an lo dawngsawng a ni. Aizawl Mayor chuan AMC Geologist ko nghalin, a leilung zirchiang a, report pe turin a hrilh nghal a, hnatlang an zawh lamah a thawm that hna pawh a tul anga bawhzui a nih tur thu a sawi.

Aizawl Mayor hian hnatlang thingpui inna tur khawtlang hruaitute hnenah a hlan nghal a ni.