Sep 01, 2026
Tuesday
H. Ramdinpuii (15), Mualthuam North thattua puh, Denghmingthanga (20) chu nizan (31.8.2026), zan lai dar 12 pelh hnu khan Lunglei Police Station atangin a tlanchhuak. Jail atanga tlan chhuak anga tarlan chu thudik lo a ni.
Thulakna Zoen tarlan danin, Denghmingthanga hi thu zawh fiah turin nimin chhun khan District Jail, Lunglei atangin Lunglei Police Station-ah lak chhoh a ni. Nizan zan lai dar 12 vel khan lock-up atangin a tlan chhuak.
Tukin khan Mausen khawtlang hruaitute chu Lunglei Police-ten be pawpin, lirthei tlan te lo endik turin an ngen. An ngenna ang hian Mausen khawtlang hruaitute chuan lirthei 10 vel an endik hman.
Amaherawhchu, Lunglei Police-te vekin lo chawl rih tura an ngen angin tun dinhmunah chuan Mausen khawtlang hruaitute hi an duty tawh rih lo.
Prison Department atanga Bengvarna thudawn danin, Denghminhthanga jail atanga a tlan chhuak anga social media-a darh chu thudik lo a ni. Police-in thuzawhfiah turin nimin khan an la chhuak.
