News

Lunglei SP J Lamuankima chuan Mualthuam North Village Council hnenah lehkhathawnin, H Ramdinpuii (15), Mualthuam North thattu an chhuina-a police an puihbawm naah lawmthu a hrilh.

Lunglei SP lehkhathawn :

Lunglei Police Station Case No. 84/26 Dt. 05.08.2026 U/S 103(1)/140(1) BNS chhuina a Special Investigation Team ten hna tha taka an thawh theih nan Mualthuam ‘N’ khawtlangten theih tawp chhuahin police-te in lo pui bawm a. Chu mai bakah kan police-te Mualthuam ‘N’ hmuna thil tul hrang hrang buaipuia an awm chhung zawngin thlenna turin nuam tak leh ei leh in tur hniang hnar takin in lo pe thin a. Heng in inpekna leh police-te chunga in thatna avang hian hlawhtlinna ropui tak kan chang ho thei ta hi lawmawm kan ti tak zet a, Lunglei Police leh Mizoram Police zawng zawng aiawhin in chungah thinlung takin lawmthu kan sawi tak meuh meuh a ni.