News

Mi kut tawrh vangin Ricky Lalhruaitluanga (32) s/o C Lalthanhliri, Lunglei Rahsi Veng chuan vawiin (4.10.2026) chawhma dar 11:18 khan a thi.

Lunglei atanga thudawn danin, Ricky Lalhruaitluanga hian September 26, 2026 tlai khan mi kut a tuar a, a luah hliam a tuar a ni. Civil Hospital, Lunglei panpui a ni a, ZMC&H ah an lo refer a, a zan la lain ZMC&H an panpui.

ZMC&H atanga Agape Hospital-ah sawnin, enkawl a ni a, chumi hnuah nimin piah khan Civil Hospital, Aizawl panpui niin, ICU-ah dah a ni. Nimin khan chawhma dar 11:18 khan a hliam tuar loin a thi.

He thil thleng chungchangah hian Lunglei Police-ah FIR thehluh niin, Ricky Lalhruaitluanga kutthlaktua puh Lalthanpuia (23), Lunglei Rahsi Veng chu a zanah police-in an man nghal.

Ricky Lalhruaitluanga ruang hi he thuziahlai hian Lunglei panpui mek a ni a, zaninah lumen tur niin, naktuk chhun dar 12 ah vui a ni ang.