The Food and Agriculture Organization (FAO) of the United Nations, chuan International Year of Women Farmer 2026 den chhena ‘FAO 100 Women Heroes in Agrifood Systems and Rural Development’ atana thlan chhuah zinga mi ZT. Lalrithangi, Sangau, Lawngtlai District, strawberry hlawhtling taka chingtu chu Rome, Italy-ah vawiin (15.10.2026) tlai khan award hlan ani.
ZT Lalrinthangi hi Mizo zingah hetiang award dawng hmasa ber a ni. Tun tumah hian award dawng turin ram hrang hrang 131 atangin mi 600 chuang atanga thlan chhuah an ni. India atangin mi pahnih thlan an ni a, World Food Forum event, FAO Headquarter, Rome, Italy-a October 12-16 chhunga neih mekah award hi an sem.
ZT Lalrinthangi hian strawberry chin kawngah taima taka hma a lakna te, a inpekna, a phurna, a thawhrimna leh chhuan awmzel tur tana entawntlak taka a thawh avangin he chawimawina ropui tak hi a dawng a ni. Horti Fair, Mizoram 2026-ah pawh khan Lawngtlai Best Farmer lawmman a lo dawng tawh.