News

Vawiin, September 26, 2026 (Inrinni) hian Khatla South YMA Hall-ah Aizawl West-III chuan ‘headquarters intlawh chhuah programme leh inhmelhriatna’ an buatsaih a, an hun hmanpuitu MNF Vice President Lalchamliana, Ex. Home Minister chuan Mizoramah Hitler a lal mek thu leh paihthlak a ngaihthu a sawi.

MNF Vice President chuan, “MNF hi sorkar leh ngei turin nasa takin hma kan la thar leh. Hun kal tawha kan lungawilohnate dah thain lungrual takin, hma la thar leh ila, i tang tlang zel ang u. Kan hnam sipaite kan ram chhanin an feh chhuak a, tam takin nunna an hlan a, khangte kha kan hriat reng leh kan chawimawi a ngai takzet a ni. Sorkar lai ZPM hi mipuiah an tiam vak vak ang kha an ti leh si loh, a tam lutuk. Sawiloh ang zela awm an ni a, Pu Duhoma chuan party constitution duan sa kal pelin a power a hmang ṭan ta chiam mai. Chief Minister-in department chan a nei ve lo ang titu chu, a nei tam ber leh nei tha ber, sum awmna department hlir a lakhawm leh ta mai hi mi rintlak a nih loh zia a lantir a ni. Article 371/G chungchangah Chief Minister-in dawt a sawi tam em em a, hnam pawi a sawi a, a pawi hle a ni. Tun dinhmunah chuan Mizoramah Hitler a lal mek a kan paih thlak ngei a ngai,” a ti.