Home

News

Mizotaxi Apps sawiho a ni

News

Mizotaxi Apps sawiho a ni

Mizotaxi Apps sawiho a ni

Vawiin (11.9.2026) hian Chief Secretary Khilli Ram Meena kaihhruaina hnuaiah CS Conference Hall-ah Coordination Committee on Traffic Management chu an thutkhawm a, Mizotaxi App hman theiha tlangzarh a nih hnua two wheeler taxi leh four wheeler taxi inziahluh dante leh hmangtu awm dante thlirlet niin, inziah luh hun pawhsei rawtna chu sawiho a ni.

Transport Secretary C.Lalruaia tarlan danin vawiin thlengin Mizotaxi App-a inziak lut lirthei 1570 an awm. Heng zinga 397 chu tour wheeler taxi an ni a, 1149 chu two wheeler taxi niin, 24 chu auto rickshaw 24 an ni. Mizotaxi App kaltlanga taxi hman tum chhinchhiah zat chu 28,553 a ni. Vawiin hian taxi driver online 279 an awm.

Thutkhawmah hian Mizotaxi App chu State Transport Authority-in Taxi rate a bithliah dik tak hman a nih theih nan te, taxi hmangtu passenger-te him zawk nana hmanraw tangkai a nih theih thute leh Aizawl khawpui chhunga taxi parking area tawt lutuk tih ziaawm nana hmanrua a nih theih dante sawilan a ni.
Inziah luh hun pawh seina hmasa kalpui chhung khan taxi inziak lut an thathnem thu sawi niin, mipui pawhin apps hi an hmelhriat tanin an hmang thiam chho tan mek thu sawi a ni.

Apps-a in-register duh tan thla 3 chhung hun hawn belh rawtna chu thutkhawmah hian sawiho a ni.

More Posts

Aizawl DM-in thupek a chhuah

Aizawl District Magistrate chuan MZU Convocation hmang tura President Draupadi Murmu lokal dawn vangin, ni thum chhunga Lengpui leh Lok Bhavan inkar (via Sakawrtuichhun), Lok Bhavan leh MZU inkar kawnga ni thum chhung zawm tur a tarlang. MAGISTRATE THUPEK : Hon’ble President of India chuan November, 2026 chhung hian Mizoram University (MZU) ah 21 Convocation […]

PIXSELL tlangzarh a ni

Vawiin (21.11.2026) hian Lengzem Editor Vanneihtluanga’n MZP Conference Hall-ah awlsam zawk leh man tlawm taka thlalak lei leh hralhna application, PIXSELL tia vuah chu a tlangzarh. He application hi thla latute thiamna leh zahawmna vawn himna tur, tu pawhin mahni bakah thlalak duhzawng lei leh hralhna remchanga an hman theih tura duan a ni. PIXSELL […]

Kum 12 min tuiah a tla

Vawiin (21.11.26) chawhma dar 11:30 vel khan Ramlaitui khuaa kal tur Lahruaitluangi (12), Peniel Veng, Hnahthial chu Mat Luiah chetsualin tuiin a la a, he thuziahlai hian zawn mek a ni. Thudawn danin, tukin tukthuan eikham khan Lalhruaitluangi hi amah enkawltu a pi leh pute nen Ramlaitui khuaa Lalhruaitluangi nu ute tlawh turin Hnahthial atangin […]