MNF Candidate-in PHC a tlawh

Dampa Bial MLA by-election lo awm tur MNF candidate Dr. R Lalthangliana, MNF sr. vice president chuan Phuldungsei PHC a tlawh.

MNF tarlan danin, Phuldungsei PHC-ah hian IV grade hnathawk pawh an awm lo a, thawktute an indaih lo hle a, khawtlang mipui an buai hle bawk a ni. Dr. Thangtea hian Marpara leh West Phaileng PHC-te pawh tlawhin thawktu indaih loh avanga an manganna leh thawktute harsatna tawh hrang hrang a takin a hmuhpui a ni.

Health Minister hlui Dr. R Lalthangliana chuan Phuldungsei PHC building hi a hun laia cheng nuai 277 senga ṭha taka sak zawh a nih thu a sawi a, ‘Dampa Bial hi Mamit District huam chhunga awm a nih angin, thlan tlin ka nih chuan bial chhung khaw hrang hranga PHC leh sub-centre te pawh Aspirational District a nihna hmang ṭangkaiin, hriselna lamah hmasawnna a awm theih nan leh staff indaih lohna avanga bial mipuiin harsatna an tawh ṭhin sukiang tura theihtawp chhuah ka tum,’ a ti.

Mizoram Sorkar pawh hian health sector lam phei hi chu mihring thih leh dam inkar a nih avangin ngaihsak bik se a duh thu sawiin Dr. R Lalthangliana chuan, Phuldungsei, Marpara leh West Phaileng PHC te manganna leh harsatnate a rang thei ang bera ngaihsak turin ZPM Sorkar a phut thu a sawi.