MNYF-in kawng chhiate an tlawh

Nimin (18.10.2025) khan Mizo National Youth Front (MNYF) te chuan Mamit leh a chheh vel kawng chhiate a hmunah tlawhin, sawrkar hmalakna te kan zirchiang. MNYF tarlan danin, October 16, 2025.(Ningani) atang khan heng kawngpui, NH-44A – Mamit- Aizawl, Mamit – Bairabi leh Mamit – Zawlnuamte hi hi a chhiat lutuk avang leh sawrkarin a hlamchhiah rei lutuk avangin tiam chin awm lova eng lirthei mah kal tlang theih lo tura dan chah a ni.

MNF Thalaite chuan kawngpui danchah huaihawttu All NGOs Mamit leh Commercial Vehicle Association Mamit hruaitute an kawm nghal thu tarlangin, ‘Kawng chhia avanga road block an huaihawt hi mipui harsatna siam tum hrim hrimna ni loin, kawng tha an duh avang a nih thu an sawi hi pawmawm kan ti.
Kawng chhia avang hian Mamit District mipuite hian harsatna namen lo an tuar rei tawh a, petrol/diesil pawh thla 3 chuang phurh luh theih a ni tawh lo,’ a ti.

Silsury-a Election Observer-te kal tur pawh kawng chhia avang hian helicopter hiala phurh a ngai tih tarlangin MNYF chuan, ‘Election senso pawh nasa takin a san phah dawn a ni. Hetiang thil, sawrkar hmaah khan, a thleng ngai lo. ZPM sawrkarin inkal pawhna kawngpui a ngaihthah vangah Man ngaiin a pawi kan ti hle,’ tiin emergency a Kawng siam nana mimal khawl leh lirthei hmanna man cheng nuai 80 chuang sawrkarin kum hnih dawn a batsak tawh pawh a rang lama pe tlâk vat tura an phut thu an tarlang.