Oct 20, 2025
Monday
Vawiin (20.10.2025) chhun Dampa Bial MLA by-lection neih tur atan Dammpa East Block Campaign kick off inkhawm Reiek Community Hall-ah buatsaih a ni a, an candidate Vanlalsailova chuan an khingpuite an zam tawh thu leh nasa taka hma an sawn thu a sawi.
Vanlalsailova chuan block leh unit hrang hranga an tanrualna leh campaign thawmah an khingpuite an zam tawh tih sawiin, ‘A bikin minority area lamah na sa takin hma kan sawn a, anmahni zawkin thahnem an ngai. A tlem berah vote 1200 chuang hmuh an inbeisei. Mizoramah sorkarna chelhtu kan nih avangin tumahin opposition MLA neih an duh ka ring lo,’ a ti.
Hun lo taka min kalsantu Dampa Bialtu MLA fam ta Lalrintluanga Sailo pawh khan ruling bial nih kha a duhthusam a nih thu sawiin Vanlalsailova chuan, ‘A duhthusam tihhlawhtlin hi ZPM chauhin kan tum lova, bial mipuite pawhin tihhlawhtlin an tum ngei ka ring takzet,’ tiin ngaihtuahna fim tak pawh an put a duh takzet thu a sawi.
