News

Maruti Suzuki New Baleno chu Nexa Showroom-ah vawiin (23.9.2026) hian Aizawl Traffic SP C Vanlalvena chuan hralhchhuah theih turin a khuh hawng. Khuh hawnna inkhawm hi G.I.G general manager Joseph C Vanlalrinngheta chuan a kaihruai.

New Baleno khuhhawnna programme-ah EDP NEXA Biakchungnunga chuan hunserh hmangin, C Malsawmdawngkima, SDM NEXA chuan motor khuhhawn tak New Baleno chungchang sawiin, “Maruti Suzuki Baleno thar chu engine thar hmanga thuam a ni a, Maruti Suzuki engine thar ber 1.2-litre Z-Series (Z12E) 3-cylinder petrol engine a ni a, engine hlui zawk K-Series 4-cylinder motor a rawn thlak a ni. Engine thar hi a performance tha zawk tura ngaih a ni. Mileage pawh tha zawk tura duan a ni a, chumi piah lamah Maruti Suzuki engine thar hi RPM hniam zawka smooth zawka tlan thei tura duan a nih avangin tlangram kawngchho ah pawh RPM hniam zawk atangin torque sang zawk a pe thei a, fuat a nei tha a, an tang thei hle tura ngaih a ni,” a ti.

Khuallian leh khuhhawnna hun hmangtu C Vanlalvena chuan Baleno thar chu car smart tak a nih thu sawiin a khalhtu leh a leitute pawh smart hram hram se, kawngpui dunga an khalh hunah pawh smart takin, traffic rules bawhchhe lova, no parking ahte motor hung lo hram turin a chah.

“Car nalh leh smart tak atanga bawlhhlawh paih mai mai te, hote tea traffic rules bawhchhiat te he car leitute chuan ching lo hram se tih hi ka chah duh a ni,” tiin khuallian Traffic SP chuan a ti.

Maruti Suzuki chuan Nexa model Baleno cheibawl thar, facelift hi Spetember thlatir lam khan a tichhuak tawh a, September 23, 2026 ah G.I.G Motors hnuaia Nexa showroom chuan a phochhuak ve ta a ni.

Model tharin a thlak tak Baleno kan zawrhchhuah mek hi kum 2022 a an tuaithar kha a ni a, tuna model thar lo chhuak, new model / facelift hi vawi thum tih danglamna a ni.

G.I.G Motors CEO John Lalpeka chuan lawmthu sawina hun hmangin an customers te mamawhna umzui zel chu an tum ber a ni tih a sawi a. “Motor kan lei hian a leitute leh a hralhtute pawh kan lawm a, mahse motor-in tawhsual a tawh hian kan lawm tawh lo, servicing station-a siam a ngaih huna uluk taka kan lo siamsak loh chuan kan customer te an lawm lo thin, kan customer tih lawm hi kan tum ber a ni a. Motor kan hralh hian kan hna a intan chiah tiin kan inzirtir thin a, G.I.G ah chuan after sales maintenance hi motor man ah a tel tiin kan inzirtir thin,” John Lapeka chuan a ti.

Engine Specifications
Displacement: 1197 cc
Cylinders: 3 cylinders
Max Power: 82 bhp @ 5700 rpm
Max Torque: 112.4 Nm @ 4500 rpm (Petrol) / 102 Nm @ 2900 rpm (CNG)
Transmission Options: 5-speed manual or 5-speed AMT automatic
Fuel Options: Petrol and S-CNG

He engine hi Swift leh Dzire model thar, Arena lam huang motor-ah hman a lo ni tawh a, enchhin a, engine tha a ni tih finfiah hnuah Baleno tharah hian an rawn hlang ta a ni.

Infotainment & Technology :

SmartPlay Pro+ Touchscreen:9-inch high-definition touchscreena nei a, hei hi thil thar, Panasonic nena a bik taka duan a ni, a variant hniam lam chuan 7-inch SmartPlay Pro system a chhawm.

Wireless Connectivity:Apple CarPlayleh Android Auto integration hmanga thuam a ni.
Head-Up Display (HUD):A khalhtu tana remchan zawkna turin pop-up HUDa thuam a ni a, a rualpui car zinga HUD nei hmasa ber a ni, motor khalhtu in awlsam taka speed, engine RPM, instant fuel economy, turn-by-turn navigation te a hmuh zung zung theihna tur a ni.

360-View Camera:360-degree camera systema nei a, chung lam atanga motor landan khan a khalhtu tan a hmuh theih a, parking a ti awlsam a, hmun chep deuhah te a tangkai.
Clarion system &Surround Sense by Arkamys:Clarion sound system a hmang a, a thuam tha lehzual turin Arkamys surround sense hman a ni.

Suzuki Connect:40+ connected car features, remote climate control (on AMT versions), geo-fencing, vehicle tracking, leh smartwatch/Amazon Alexa mil tura thuam a ni.

Cabin Design & Comfort
Dual-Tone Layout:A dashboard hi three-layered designa ni a, deep blue, black leh silver a chei an ni a, Baleno hlui khan clour khat, a dum hlanga chei a ni.

Upgraded Seats:A seat cheibawl thar vek a ni a, a hma lam seat phei chu ventilated a ni a, contoured cushioningan ti a, thui tajk tlan pawha mawng a kham lutuk tur a ziaawm deuh theihna tura duan a ni.

Flat-Bottom Steering:A steering hi leather a tuam, flat-bottom steering wheela ni a, Maruti Swift a an lo hman ang chi kha a ni a, integrated audio and cruise controls te a awm nghal vek a ni.

Rear Passenger Comfort:A hnunga chuangte tan rear AC vents, Type-A leh Type-C USB charging ports a awm a, adjustable headrests vuah a ni.

Khaikhawmna :

*Glamourous new look: New Baleno hian identity lan dan thar a nei a, NEXWave grille design a rawn nei.

*Protected by NEXA Safety Shield: Baleno tharah hian Level 2 ADAS hman a ni a, ama rualpui, tlukpui car ah chuan a nei awmchhun a ni, hei bakah hian intelligent driver support system a nei a, motor himna turin safety leh assistance function pariat lai a nei.

*Stay ahead, stay cool: ‘Stunning’ New Baleno hi ama rualpui, tlukpui car zinga ventilated front seat nei awmchhun a ni a, a seat zawng zawng cheimawi a, thuam thar an ni.