Resolution pathum pawm

ZPM General Assembly vawiin (29.9.2026) a Vanapa Hall-a neih chuan resolution pathum an pawm. An resolution pawm chu a hnuaia tarlante hi a ni.

1.Zoram mipuiten Mizoram enkawl tura mawhphurhna min pek angin, ZPM chuan kum hnih leh thla riat lai rorelna kan lo chelh ve ta. Zoram mipuiin min ṭawiawmnaah te, min ṭawngṭaipuinaah te, min fuihna leh zilhna zawng zawngah lawmthu kan sawi. Mizoram leh Zofate tan a ṭha ber kan duh a, chutianga rorelna kan kalpui zel theih nan min ṭawngṭaipui a, min ṭawiawm zel turin Zoram mipuite kan sawm a che u.

2.Party roreltu sang, Executive Committee-in a rel ang a, ZPM Party hruaitu tur ṭha tak tak Val Upa Council (VUC) in min ruatsak hi kan lawm hle. Pu Lalduhoma kaihruaina hnuaiah chak taka ram hmasawnna kawng zawh zel turin theihtawp kan chhuah zel dawn. Kum 2028 inthlanpuiah pawh a hovin sawrkar siam leh ngei kan inbeisei.

3.ZPM auhla pui ber, flagship program thlai thar lei leh Bana Kaih policy te tluang taka kalpui a ni hi lawmawm kan ti a. Chief Minister Pu Lalduhoma leh a thawhpuite thawhrimna leh ṭhahnemngaihna zarah hlemhletna (corruption) tawmimna state kan ni chho ta mekte hi ropui kan ti a. Mizoram ṭha zawk din tura thawhho puiah Zoram mipuite kan sawm a che u.