Ruihhlo nia hriat an man

Saitual Police-te chuan September 27 leh 28, 2026 khan Kualmawi, Keifangah motor pahnih atangin ruihhlo chi thum an man.

Police tarlan danin, Saitual Police-te hian September 27 chawhnu dar 2:40 khan Brezza Regn. No ML 10 C – 2213, Tongkholun Touthang (39) s/o Ngamlet Touthang of Teiyang, Teshil Chakpikarong, Chandel District, Manipur khalh atangin heroin ni ngei a hriat hawng 44 (467 grams ) an man.

Heng ruihhlote hi lirthei (Brezza) running board a thuhruk niin, police-te hian Kualmawi, Keifangah an lo man a ni. Heroin mante hi cheng nuai 93.4 huin an chhut. Ruihhlo bak ah hian police-te hian a ruihhlo phurhna lirthei leh mobile phone pakhat an man tel.

September 28, 2026 tlai dar 6:12 vel khan Saitual Police-te chuan Kualmawi, Keifang, Aizawl road ah Bolero Regn. No. MZ 01 J – 1727, Thangtinlen Mate (34) s/o Jamkholet Mate, 05 Kangvai road, Tonglhang Churanchandpur District, Manipur a cheng mek khalh atangin heng ruihhlo ni ngei a hriatte hi an man.

1)Methamphetamine – kg 8.946, cheng vbc. 7.156 hu.
2)Morphine – cheng vbc. 30.87 hu.
3)Heroin – gram 50, cheng nuai 10 hu.

Thangtinlen Mate hi ND&PS Act hnuaiah thubuai siamsak niin, a kut aṭang hian ruihhlo bakah Bolero leh mobile handset pakhat man tel a ni.