Ruihhlo thahnem tak hal ral

Section 51A of the NDPS Act, 1985 leh NDPS (Seizure, Storage, Sampling and Disposal) Rules, 2022-in a phut angin vawiin (September 30, 2026) chawhnu dar 1:00 khan Bethani Multipurpose Farm, Phunchawngah Excise & Narcotics Department-in ruihhlo an man, case 106 atanga court lama chinfel tawh chu Z. Lalhmangaiha, Commissioner of
Excise & Narcotics chuan a hal ral.

Z. Lalhmangaiha chuan, “Heng ruihhlo kan halt e hi ruihhlo dona kawnga kan thawhpui, Mizoram Police, Central YMA, tlawmngai pawl hrang hrangte leh agency dangte nena kan thawhhona vang a ni. Vawiinah hian ruihhlo hal tur tlem tak nei ila, a theih phei chuan hal tur neih loh hial a chakawm. Chutih rualin ruihhlo dona kawngah sawrkar tha tichak zel turin Mizoram mipuite kan ngen a ni,” a ti.

Ruihhlo hal ral inkhawm hi Drug Disposal Committee Chairman Peter
Zohmingthanga, Joint Commissioner-in a kaihruai a, Mandy Lianchhingpuii, Dy.
Commissioner leh Secretary, Drug DisposalCommittee-in report pein, David Lalmawia, Asst. Commissioner-in lawmthu a sawi a ni.

He ruihhlo hal ral inkhawm hi Mizoram Police, Central YMA, media lam leh
ruihhlo dona kawnga thawkho agency thenkhatten an hmanpui a ni.

Excise & Narcotics Department-in ruihhlo a halralte chu ruihhlo chi hrang hrang – heroin, methamphetamine, ganja, condeine based cough syrup, alprozolam, nitrazepam leh opium niin, cheng vbc. 11.82 man hu a ni.