Sawifiah turin CM phut

MNF chuan thuchhuah siamin, SASCI scheme chu India ram states zawng zawngte infrastructure lama hmasawnna atana a pung awm loa kum 50 hnua rulh tur loan a nih thu tarlangin, “State tinten sum hmuh that tumin an hmanhlel kumtin thin,” an ti.

MNF tarlan danin, kum 2023 kum tawpa ZPM sorkar alo pian atang khan SASCI ah harsatna khirh tak tak a awm nghal. Kum 2023-24 ah sanction sa Rs 23,331 lakh an ti lapsed vek a. Kum 2025-26 ah Rs 11,152 lakh an ti lapsed leh. Tun kum kal mekah sorkar kum chanve kan hmang zo tawh chungin Mizoram sorkar chuan SASCI 2026-27 atan chengkhat mah sum ala hmu lo tih RTI zawhna ni 1.10.2026 a Dept. of Expenditure, Finance Ministry-in a chhannaah chiang taka sawilan a ni.

ZPM sorkara CM leh FM nihna chelhkawptu Lalduhoma hian sorkar sum enkawl dan a thiam lo mai ni loin pawisak nei miah loa Central sorkar sum tam tak a hmanna tur taka hmang nghal loa hlawhah leh thil danga a hman hmasak zet thin vanga SASCI-a harsatna hi lo thleng ta niin a lang.

MNF Party chuan Mizoram sorkar chu kum hmasa lamah pawh SASCI sum ataka pechhhuak si loa UC a siam mai thin hi a pawi kan ti. Tunhnuah chuan kan monitor tlat dawn a, sum pechhuak lova UC a siam leh a nih chuan Central sorkar-a a thlenna turah kan thlen zel dawn a ni. Kumin sorkar kumah hian thla 6 zet kan hmang zo tawh. North East states dang 7 ten SASCI sum Vaibelchhe sangbi an hmuh vek tawh laia Mizoramin ‘dere’ pawh kan la hmu velo hian ZPM sorkar sum enkawl danah thil diklo lian tak a awm tih a chiang a. MNF party chuan CM leh FM nikawp Lalduhoma hian sawifiah ngei se kan ti a ni.