November 10-12, 2026 chhung khan Synod Executive Committee vawi 321-na chu J.M. Lloyd Hall, Synod Office-ah an ṭhu a, agenda 24 an rel. Synod Executive Committee hian Nupui Pasal Zawnna application siam chu rem tih a ni a, a hmingah ‘Kawppui Zawnna’ tih a ni dawn.
AN THURELTE :
1.India rama sakhaw zalenna a awm theih nana hmalak chungchang chu ruahmannate pawm a ni.
2.Kohhran Pavalai Pawl Fellowship Inkaihhruaina chu zut mam ngai zut mamin, Synod 2026-ah thlen a ni ang.
3.India ram pawna Mizo awmte enkawl dan tur ruahmanna chu pawm a ni.
4.Synod Press kalpui zel dan tura ruahmanna chu pawm a ni.
5.Kohhran pual AI siam chu OM-in an lo zir chian leh tura dah a ni.
6.Leitan motor inherna aṭanga Synod Hospital panna kawng zauh dilna chu an dil angin ram pek belh leh tur a ni.
7.Serampore College ṭanpui dilna chu phalsak niin, kum 5 chhung atana zirtirtu hlawh Rs. 27,00,000 chu rem tih a ni.
8.CM ‘Rule of Comity’ chu Synod 2026-a thlen tura rem tih a ni.
9.Mizoram Christian University din chungchang chu Synod 2026-ah a policy dil tura rem tih a ni.
10.ATC-ah Master of Counselling & Psychotherapy Course hawn rem tih a ni.
11.Muanna Veng Synod rama Masihi Sangati Kendra (MSK) leh Presbyterian Hindi Bible School (PHBS) building sakna tura ruahman chu pawm a ni.
12.Synod Pandal Structure chu tihral tura rem tih a ni bawk.
13.Kum 2030 Puitling Sunday School zir tur leh kum 2028 Khawvel Sunday School Ni-a zir turte chu heti ang hian a pawm –
14.Sikulpui din ṭan kum atan February 15, 1898 chu pawm a ni.
15.Pathian Biak Inkhawm Hruaina en ṭhat chu Worship Committee hnenah hman nghal tura lo zut mam tura tih a ni.
16.Kum 2030 Nilai leh Beihrual thupui, ‘Kristianna leh hnam nun’, ziaktu – Rev. Dr. V.L. Luaia Hranleh chu pawm a ni.
17.Mizo Kristian Hla Thar Bu Ennawn Terms of Reference chu pawm a ni.
18.Kristian hla Bu Staff Notation Edition buatsaih chu rem tih a ni.
19.Nupui Pasal Zawnna application siam chu rem tih a ni a, a hmingah ‘Kawppui zawnna’ tih a ni ang.
20.Vellore/Ranipet-a Synod Guest House tur ram lei chu rem tih a ni a, OM bawhzui tura dah a ni.
21.‘Zan Ven Inkhawm’ tih chu ‘Venpui Zan Inkhawm’ tia thlak tura pawm a ni.
22.Zemabawk Vengthar-a Cancer Khualbuk atana Synod-in hmun a leiah Khualbuk sakna atan budget-ah Rs. 50,00,000 dah a ni a, Trust Dept. bawhzui tura dah a ni bawk.
23.Pathian Ram Ip kan hman mek hi a aia ṭha zawka siam tura tih a ni.
24.Kohhran Upa Nemngheh Certificate-ah pa emaw, nu emaw hming tihlan tawh tura tih a ni.