News

Aizawl Municipal Corporation (AMC) chuan thuchhuah siamin, AMC huam chhunga chenna in tin, market/mall hrang hrang, hotel, hostel, home-stay, restaurant, tea-stall, sawrkar office, zirna in hrang hrang leh NGO Office tinten a hmangtu milin septic tank (with soakpit) siam vek tur a nih thu an tarlang.

AMC chuan Aizawl hi Open Defecation Free Plus (ODF+) dinhmuna hlankai tawh kan nih avangin septic tank rimchhia/enkawl that loh chungchangah mimal leh vantlangin harsatna an tawk a nih chuan section 155 & 164 of the Mizoram Municipalities Acts, 2007 (As amended in 2015) hmangin action lak a nih tur thu tarlangin. “Tuichhia leh inchung tuite pawh mimal leh vantlang tana harsatna thlen theiin, kawngah emaw mumal lo taka paih/luantir loh tur a ni. Hetiang ti an awm a nih chuan No. 37 (i), (ii) & (i) leh 38 of the AMC Building Regulation 2012 hmangin action lak a ni ang,” an ti.