Sorkar sum hum tur a tam

Vawiin (6.10.2026) chawhma khan Finance Secretary Ramchuana hovin ‘Voluntary Surrender of PPO’ chungchanga sawrkar hmalakna te thlirletna (review meeting) hun neih a ni.

Report danin dik tawk loa pension/family pension la ten anmahni duhthu ngei a PPO surrender hun, sawrkarin a siam chhung ni 1.7.2026 atanga ni 30/9/2026 thleng a PPO surrender dan chu hetiang hi a ni.

Treasury hnuaia family pension la mi 563 bakah bank atanga family pension la mi 111; an vaiin mi 674 in PPO an surrender a ni. Heng mi 674 ten an PPO surrender avanga sawrkarin sum a hum tur zat chu thla khatah Rs. 1,25,65,901 (Nuai za sawmhnih panga singruk sangnga zakua pakhat) a ni a, kum khatah Rs. 15,07,90,812/- (Vaibelchhe sawmpanga nuai sarih singkua zariat sawmpahnih) lai a ni thei dawn a ni.

Hetih rual hian voluntary surrender hun a tawp tak avangin dik tawk lova pension/pamily pension la an la awm em tih endik hna thawktu tur Task Force te hmalak dan tur inhrilhfiahna hun neih nghal a ni. Task Force hi Coordinator panga (5) te enkawlna hnuaiah team 13 ah then an ni a, team tinah District Treasury Officer theuhte team Leader an ni nghal ang.

Task force-te hi a hma thei ang ber a fehchhuak thei turin ruahmanna siam a ni. Thil fel lo emaw, dik tawk lo emaw an hmu a nih chuan a ti diklo tu chu Show Cause Notice pek an ni ang a, ni 15 chhung insawihfiahna hun pek tur an ni. He endik hna leh a kaihhnawih dangte chu ni 31.12.2026 hma a zawh fel tum a ni.