Oct 20, 2025
Monday
Vawiin (20.10.2025) chawhnu dar 2 khan State Day of Prayer Office Bearers Meeting chu an working chairman Upa F Rodinglianate chenna inah neih a ni a, nakkumah State Day of Prayer buatsaih leh an rel.
Meeting-ah hian Council of Churches in Mizoram (CCM) te nena an in dawrnaah CCM lamin ruahmanna fel zawk an la neih loh avangin kum thar lo awm tur Sate Day Prayer chu State Day of Prayer Committee-in ken tlang leh phawt ni se, an ti.
State Day of Prayer atana fund hmuh dan turte, SDP Executive Committee Member ennawnte, committee hrang hrang siam leh Lammual Advisory Committee hnena Ṭawngṭaina In sak dil te an rel.
State Day of Prayer chairman thar atan Rev. Lalramliana Pachuau leh vice chairman thar atan Rev. T.C. Laltlawmlova an ruat.
