Sub Hqrs. YMA, Lungleiin thuchhuah an siam

Sub Hqrs. YMA, Lunglei chuan H Ramdinpuii (15), Mualthuam North thattua puh Denghmingthanga (20), Mualthuam North, Lunglei Police Station atanga a tlan chhuah chungchangah thuchhuah an siam.

Sub Hqrs. YMA, Lunglei thuchhuah :

Mualthuam ‘N’ tleirawl, H. Ramdinpuii thattu-a puh, Denghmingthanga, kum 20 chu tukin Ni 1.9.2026 (Thawhlehni) zing dar 1:00 velah khan Lunglei Police Station-a thu zawh fiah tura kawl a nih laiin a tlan chhuak.

YMA Sub Headquarters, Lunglei hnuaia branch-te, a zawn chhuah kawngah police-in hmalakpui tura min ngen angin, YMA Branch-ten mahni huam chhungah theuh mit len a, Police-te thawhpui turin kan inngen a, hmu kan lo awm a nih pawhin kut thlak lo turin kan inngen a ni.

Thlalaka a thuamhnaw hak hi a tlan chhuah laia a inbel a ni a, pheikhawk bun loin handcuff vuah chungin a tlan chhuak a ni. A chin hria kan awm a nih chuan Lunglei Police Station -Mb. No. 9485414441 ah emaw, YMA hruaitute hnenah hriattir turin kan inngen a ni.