News

Mizo Diaspora Cell tarlan danin Singapore-a Mizo eng emaw zatte’n an chhungte pawisa an thawn cheng eng emaw zat tihchingpen a awm nia hriat a ni.

He thila inhnamhnawiha puh Mizo hmeichhe pakhat chu October 13, 2025 khan Lengpui Airport-ah man a ni. Singapore-a Mizo awmte hnen aṭanga thu an dawn bawhzuiin
Mizo Diaspora Cell hian hma la turin Mizoram Police-a CID Special Branch an ngen a ni.

CID hian chhui zui nghalin, sum
tichingpentu nia hriat Mizo hmeichhe pakhat chu October 13, 2025
khan Lengpui Airport-ah an lo
man a, thu an zawtfi ah mek zel. Police-in an man hi Singapore-a hna
thawk mek Mizo eng emaw zatin Mizorama an chhungte hnena
pawisa thawn tura an rawih a ni. A hnena pawisa an dahte chu a
tichingpen niin an hria.

Mizo ṭhalai, Singapore-a hna thawk zinga a tam zawk chuan dan ang
taka Singapore aṭanga an chhungte pawisa thawn chhuah dan an hriat chian loh avang leh, thawnsaktu hmeichhe pakhat hian thawn man
tlem zawka thawnsak thei anga a insawi bakah, intiamkamna thlenga
a neih ngam avangin mi tam takin a kutah pawisa an dah a ni.

A hnena pawisa an dah belhkhawm chu nuai 300 vel nia hriat a ni.
Inbumna nia hriat tuartute chuan October 14, 2025 khan Aizawl
Police Station-ah FIR an thehlut.