Sep 18, 2026
Friday
Kerala-a hnathawka awm Lalbiakfeli (31) d/o Lalzami, Bungtlang khua, Serchhip District chu ni 16.9.2026 (Nilaini) zan khan a hnathawhna hmuna swimming pool-ah thiin an hmu.
Bungtlang YMA hruaitute’n an hriat theih chinah chuan Lalbiakfeli hi spa-a thawk niin, Nilaini zan khan a thiante nen an hnathawhna hmuna swimming pool-ah an cheng a, a thiante kal dawnah a la inchiah deuh duhthu a sawi a ni.
A hnua an hmuh leh chuan swimming pool-ah hian buaipui ngaiin a lo awm a, damdawi in panpui vat nimah se, chhan theih a ni tawh lo. Swimming pool-ah hian a thi tawh nia rin a ni. Lalbiakfeli hi nula fel tak a ni.
Nimin khan an postmortem nia hriat a ni a, vawiinah Lengpui Airport rawn thlenpuiin, an khua panpui nghal tum a ni.
