Nizan (12.10.2026) dar 2 -3 inkar vel khan AOC Veng Branch YLA duty-ten Myanmar a luhpui tur ni ngei a rin Tata Yodha sawm tidingin, tukin khan thuneitute kut ah an hlan.
Tunhnai khan Lawngtlai Bawrhsap hova thukhawm chuan Lawngtlai District paltlangin rukruk leh dan kalha lirthei tawlhruk a tam ni a hriain, hetiang lam chi hi ngun zawka en tha an ti a ni.
Lirthei rukbo, Lawngtlai District kaltlanga Myanmar a hralh te, lirthei thar, khua leh tuite lehkha pawimawh hmanga lei chhuaka, Myanmar lama hralh chhawn ang chite chu Bawrhsap hova thukhawm chuan dan palzutna ni a ngaiin, hemi kalzelah hian tuntuma Tata Yodha 10 AOC Veng Branch YLA Duty-ten lo tidinga thuneitute kuta an hlanna chhan pawh hi a ni.
Tata Yodha-te tihzui zel dan tura Lawngtlai District thuneitute chuan thutlukna an la siam dawn a ni.