Thil thlen dan sawi chhuak

Mi kut a tawrh avanga Bualpui daia thi, Zakaria Lalhriattluanga (29), New Builum thianpa John Laltanpuia chuan mi kut an tawrh dan a sawifiah.

Assam Regiment Zakaria chawlh hmang rawn haw Lengpui Airport-a lo hmuaktu John Laltanpuia’n kan thulakna-a a sawi danin, Lengpui Airport atanga an hawn chu Mualkhangah inbualin, Bualpuia an hmelhriatte an tlawh kawi a ni. An chhuah hnu lawk Bualpui daiah truck lian tlan an tam vangin kian a, anmahni sawisatua puhte Kolasib lam atanga pick up hmanga rawn chhote pawh lo ken an tum a ni. Hetihlai hian hnamdang khalh truck chuan rawn lehpelh (over take) a tum a ni.

John-a hian hnamdang motor hi back turin a ti a, a hnuah a motor atanga chhuk thlain truck khalhtu hnamdang hi a hau a ni. Hetihlai hian pick up-a chuangte chu rawn kalin, John-a hi an rawn khawih a ni. Zakari-a chu a thianpa chhan tumin truck atangin a chhuk ve a, an lo khawih ve leh nghal.

John-a a harh chhuah leh chuan Zakaria chu a lo thi tawh nia hriat a ni. Jacob-a an khawihve leh laiin Bualpuia an hmelhriat an chawlhnate leh midang lokalin, John-a chuan hliamna lutuk a tawrh loh phah.