Sep 01, 2026
Tuesday
H Ramdinpuii (15), Mualthuam North thattua puh Denghmingthanga an hmu tawh anga social media-a thudarh awm chu thudik tawk lo a nih thu dawn a ni.
Lunglei atanga thudawn danin, Rahsi Veng Thlanmual thlen hma khamah a zuangthla a, a thi nge dam hriat a ni lo, an hmu tawh, lak chhuah tum mek a ni tihvela thudarh chu thudik tawk lo a ni. Khamah hian mihring che ang deuha ngaih hmuh a nih vangin enfiah chhoh mek a ni.
Denghmingthanga hi hmuh a la ni lo hrim hrim a, khamah hian a zuangthla ngei em tih pawh finfiah a la ni lo. Amah hi zawn mek niin, khamahte pawh hian a zawng turin an uaithla.
Helai hmunah hian Lunglei SP, Addl SP leh Case IO te pawh an kal.
