Oct 10, 2026
Saturday
Vawiin (10.10.2026) hian Lalthanmawia (28), Samlukhai chu Tlawng luiah a tla hlum.
Thudawn danin, Lalthanmawia hi midang pahnih nen tukinah khan Tlawng luiah hian an kal a, an khua atangin kein darkar thum vel kalah an kal a ni. A kalpuite hian Lalthanmawia chetsual thu hi khaw mite chhun dar 12 vel khan an hriattir.
A kalpuite sawi danin, Lalthanmawia hi liah chesualin, chhan tum mah se, an chhan thei lo. Khaw miten Tlawng lui hi pan nghalin, tlai dar 2:15 velah a ruang an hmu.
An khaw bul lawkah leimin a awm vangin Tlawng luiah hian four wheeler-in a kal theih loa, Lalthanmawia ruang hi zawn haw a ngai. Zanin dar 10 velah chuan khua thlenpui hman beisei a ni.
Lalthanmawia hian a nupui leh a fate pathum a kal san.
