Dec 31, 2025
Wednesday
Nimin (30.12.2025) tlai dar 2 vel khan F Lalhluna (50), Mamte khua, Lawngtlai District chu Tuipuiah a tla a, he thuziahlai hian zawn mek a ni.
Thudawn danin, F Lalhluna hian Tuipui kamah nulte neiin, thlamah a riahchilh thin a, khaw chhung aiin a awm tam zawk mah a ni. Fa pasarih neiin, a fate pawhin an riahpui ve thin. Nimin tlai khan Tuipui livir laiah chesual palhin a tla a, a sangha man tur nia rin a ni.
Chetsual thu hriat a nih veleh tuithiam tamna Tuipui Ferry lam hriat nghal an ni a, speed boat pahnih nen Tuipui hi an pan nghal. Mamte khawtlang nen tuitla zawn hna an thawk a, zana riahchilh awmin, zing atangin an zawn chhunzawm.
