Tuitla hmuh a la ni lo

Nimin (12.9.2026) chhun dar 12 vela Hmunzawl Kai, Tuichang Luia tla Zoramchhana (39) s/o Chawimawia, Khawlailung chu he thuziahlai thleng hian hmuh a la ni loa, a zawng turate kal dan tur an tidanglam deuh dawn.

Thudawn danin, Khawlailungah branch YMA pali an awm a, a huhoin an zawng a ni. Zanina VC leh All NGO thukhawm chuan tha a heh loh zawkna atan leh sum hman a tlem zawkna atan branch YMA-ten a inchhawka zawn tha an ti. Mizo danin ni sarih chu zawn ngei an tum.

Khaw thenawm atanga zawngte erawh an thuah an dah a, vawiin (13.9.2026) ah pawh tuitla zawngin an khaw thenawm atangin mi thahnem tak an thawk chhuak. Sub Hqrs YMA, Serchhip hruaitute pawh an kal.

Zoramchhana hi mi pakhat nen Hmunzawl khaw mite an biak in sakah cement an laklawh vangin pe turin an kal a, tui a tam vangin motor nen lui a dai kai theih lo. Mihring kal theihna leihlawna cement an inhlanchhawn laiin luiah hian a lut a, a thianpain thlate pawh a lak sak. A hnuah a talbuai zui ta a ni.

Zoramchhana hi an khuaa tui thiam bette zinga an ngaih a ni a, hetianga tui lian tak ni loa a tla hi a khaw mite pawhin mak an ti hle.

Thlalak pakhat zawk hi a tlak hmaa luia a awm lai.