News

Dulte dai, Dilmawia tla PC Vanlalhmuaka (17) s/o PC Vanlalnghaka (L), Saitual Dawr Veng ruang chu zanin (11.9.2026) dar 7:45 khan hmuh a ni. Zaninah lumen puiin naktukah vui a ni ang.

C

Dil hi feet 60 vela thuk niin, tui chim chin a sang hle a, tui tling luan chhuahna awm lo leh thuk nghal thut a nih avangin fimkhur a ngai hle niin an sawi.

Vanduaina a thleng tih hriat a nih veleh Dulte, Kawlkulh, Keifang, Saitual leh Sub Hqrs YMA Saitual hruaitu mi thahnem tak an kalkhawm nghal a, dilah hian tui tam lai tak a nih avang leh a thuk deuh avangin tui thiamte an che hlei thei lo a ni. Lawngleng atanga hrui hling nei (Thlanthlaman) an hnuh atangin Bialzauva, Police Veng Keifang chuan zanin dar 7:45 vel khan a hnuk fuh ta a ni.

Tarlan tawh angin, PC Vanlalhmuaka hi a thiante nen an chhuak a, tlai dar 2:30 velah Dilmawiah hian a chesual a ni. In chiah dai turin an kal niin an hria. Tui a thuk avang leh a tam avangin tuitla zawn hna a hautak hle.

PC Vanlalhmuaka hi Saitual Higher Secondary School-a class XI (science stream) zirlai a ni.