Home

News

Union MoS-in Saitual a tlawh

News

Union MoS-in Saitual a tlawh

Union MoS-in Saitual a tlawh

Union Minister of State for Youth Affairs & Sports Raksha Nikhil Khadse chuan nimin (15.9.2026) khan Saitual a tlawh a, sawrkar deparment hotute leh sports asociation aiawhte a kawm.

Raksha Nikhil Khadse chuan sawrkar department hotute chu tualchhung mi an nih angin tualchhung mite tana tan la leh zual turin a fuih a, central scheme hrang hrangte mipuiin an hlawkpui lehzual theih nan chak leh zual a hma la turin a chah.

Mizoram chu organic farming-ah a san thu sawiin Union MoS chuan, “Mumal taka thlai leh thei tharte chu sawngbawl hna (food processing) kalpui a nih theih chuan ram dangah hlep tam leh zuala in thawn chhuah theih ka beisei,” a ti.

Union Sports Minister chuan Mizoram Sports Minister Lalnghinglova Hmar nen an inkawm thu sawiin, naupangten sikul an kal laia an theihnate hai chhuah a nih theih nan infiamna lama inrelbawlna (sports infrastructure) tihhmasawn a tul thu a sawi.

Mizoramin ruihhlo tawlhruk avanga kan buaina chu Raksha Nikhil Khadse hian a vei thu sawiin, “Thalaiten ruihhlo lama harsatna an tawh loh nan sawrkar program ‘Mera Yuva Bharat’ kaltlangin thalaiten ruihhlo do kawngah ke pen nise ka duh,” a ti.

Raksha Nikhil Khadse chuan review meeting minutes hi Prime Minister Office a thlen thin avangin sawrkar official-te chu ngai pawimawh a, data lakkhawm leh meeting inpuahchah kawngah tan la thar turin a chah.

More Posts

Aizawl DM-in thupek a chhuah

Aizawl District Magistrate chuan MZU Convocation hmang tura President Draupadi Murmu lokal dawn vangin, ni thum chhunga Lengpui leh Lok Bhavan inkar (via Sakawrtuichhun), Lok Bhavan leh MZU inkar kawnga ni thum chhung zawm tur a tarlang. MAGISTRATE THUPEK : Hon’ble President of India chuan November, 2026 chhung hian Mizoram University (MZU) ah 21 Convocation […]

PIXSELL tlangzarh a ni

Vawiin (21.11.2026) hian Lengzem Editor Vanneihtluanga’n MZP Conference Hall-ah awlsam zawk leh man tlawm taka thlalak lei leh hralhna application, PIXSELL tia vuah chu a tlangzarh. He application hi thla latute thiamna leh zahawmna vawn himna tur, tu pawhin mahni bakah thlalak duhzawng lei leh hralhna remchanga an hman theih tura duan a ni. PIXSELL […]

Kum 12 min tuiah a tla

Vawiin (21.11.26) chawhma dar 11:30 vel khan Ramlaitui khuaa kal tur Lahruaitluangi (12), Peniel Veng, Hnahthial chu Mat Luiah chetsualin tuiin a la a, he thuziahlai hian zawn mek a ni. Thudawn danin, tukin tukthuan eikham khan Lalhruaitluangi hi amah enkawltu a pi leh pute nen Ramlaitui khuaa Lalhruaitluangi nu ute tlawh turin Hnahthial atangin […]