Voice of Salvationist 2026 zawh a ni ta

Salvation Army thalaite tana zaithiam thlanna Voice of Salvationist 2026 chu August 27, 2026 (Thursday) zan dar 8:00-ah khan Youth Multipurpose Center, Ainawn Vengah a hmawr bawkna grand finale hun hman a ni.

Finalist mi panga Jacob Lalthatluanga, ITI Corps; Sangmawia, Dinthar Corps; Melanie Lalthansangi, Chanmari Corps; TC Lalmuansanga, Rulchawm Corps leh Vanlalchhandami, ITI Corps ten August 24, 2026 (Monday) zana intihsiakna an lo nei tawh a, grand finale-ah hian intihsiakna an neih chhun zawm leh a ni.

Zan hnih intihsiakna atangin result siam a ni a, Jacob Lalthatluanga, ITI Corps chu Voice of Salvationist 2026 atan thlan a ni ta ni.
Grand finale-ah hian finalist ten intihsiakna an neih bakah hian VOS 2023 nihna chelhtu Cadet Vanlalruati, J. Lalrosanga, Peter Lalnunpuia, judge-te leh Territorial Staff Songsters ten hun an hmang bawk a ni.

Voice of Salvationist 2026 hi Territorial Salvation Army Youth Council buatsaih niin August 1, 2026 atang khan Jubilee Hall, Bethlehem Corps-ah tan a ni a, top 10 atangin Youth Multipurpose Center, Ainawn Vengah neih niin August 27, 2026 (Thursday) khan zawh a lo ni ta ni.

Voice of Salvationist top 3 te chu :

Pakhatna – Jacob Lalthatluanga, ITI Corps

Pahnihna – Sangmawia, Dinthar Corps

Pathumna – Melanie Lalthansangi, Chanmari Corps