Home

News

Vui hun tur la hriat loh

News

Vui hun tur la hriat loh

Vui hun tur la hriat loh

Kerala-a a hnathawhna swimming pool-a thi-a an hmuh Lalbiakfeli (31) d/o Lalzami, Bungtlang khua, Serchhip District ruang chu naktuk (19.9.2026) hian an khua a thlen theih beisei a ni.

Lalbiakfeli hi ni 16.9.2026 (Nilaini) zan khan a hnathawhna hmuna swimming pool-ah thiin an hmu a ni. Bungtlang YMA hruaitute’n an hriat theih chinah chuan Lalbiakfeli hi spa-a thawk niin, Nilaini zan khan a thiante nen an hnathawhna hmuna swimming pool-ah an cheng a, a thiante kal dawnah a la inchiah deuh duhthu a sawi.

A hnua an hmuh leh chuan swimming pool-ah hian buaipui ngaiin a lo awm a, damdawi in panpui vat nimah se, chhan theih a ni tawh lo. Swimming pool-ah hian a thi tawh nia rin a ni. Lalbiakfeli hi nula fel tak a ni.

Bungtlang atanga Bengvarna thudawn danin, Lalbiakfeli ruang hi postmortem a ni a, zanin hian thlawhtheihna hmangin Delhi panpui a ni dawn. Thlawhtheihna hmang vekin naktukah Lengpui Airport panpui tum niin, dar 12:15 velah Lengpui a thlen beisei a ni. Lengpui atangin an khua panpui nghal a ni ang.

A vui hun tur rel fel a la ni loa, thlan chu lailawk ni dawn mah se, a ruang chhiat dan a zirin a vui hun tur khawtlang hruaituten an rel ang.

More Posts

Aizawl DM-in thupek a chhuah

Aizawl District Magistrate chuan MZU Convocation hmang tura President Draupadi Murmu lokal dawn vangin, ni thum chhunga Lengpui leh Lok Bhavan inkar (via Sakawrtuichhun), Lok Bhavan leh MZU inkar kawnga ni thum chhung zawm tur a tarlang. MAGISTRATE THUPEK : Hon’ble President of India chuan November, 2026 chhung hian Mizoram University (MZU) ah 21 Convocation […]

PIXSELL tlangzarh a ni

Vawiin (21.11.2026) hian Lengzem Editor Vanneihtluanga’n MZP Conference Hall-ah awlsam zawk leh man tlawm taka thlalak lei leh hralhna application, PIXSELL tia vuah chu a tlangzarh. He application hi thla latute thiamna leh zahawmna vawn himna tur, tu pawhin mahni bakah thlalak duhzawng lei leh hralhna remchanga an hman theih tura duan a ni. PIXSELL […]

Kum 12 min tuiah a tla

Vawiin (21.11.26) chawhma dar 11:30 vel khan Ramlaitui khuaa kal tur Lahruaitluangi (12), Peniel Veng, Hnahthial chu Mat Luiah chetsualin tuiin a la a, he thuziahlai hian zawn mek a ni. Thudawn danin, tukin tukthuan eikham khan Lalhruaitluangi hi amah enkawltu a pi leh pute nen Ramlaitui khuaa Lalhruaitluangi nu ute tlawh turin Hnahthial atangin […]