News

ZPM Thalai chuan thuchhuah siamin, nimin (September 29, 2026) khan social media lamah eptu party workers ten AMC Ward IX leh Ward XIX ah ZPM kaihhruai kawrkarin ward fund a pe duh lo tiin thu dik lo an vawrh darh nasa hle tih tarlangin, “Hei hian Ward IX leh Ward XIX mipuite a ti mangang hman hle a ni.
AMC-ah ZPM Party kaihhruai sawrkarna hnuaiah AMC Ward Fund hi vawi khat pek chhuah tawh niin, Rs. 10 lakhs ṭheuhin Ward 19- ah sem a ni a, rulling leh opposition corporator te thliar hran an ni lo,” an ti.

UD&PA Dept-in AMC kuta SASCI cheng vbc . 5 a pek chungchangah Ward IX Corporator B Lalawmpuii leh Ward XIX Corporator Dr. Lalmalsawma Nghaka te an thikthu an ti chhe hle niin an lo hria tih tarlangin, “An ward chhungah SASCI hmanga hnathawhna tur dah a ni ve lo tiin UD&PA Minister Pu K Sapdanga hnenah an zualko nghe nghe a ni. Ward IX leh XIX chhungah hian ZPM kaihhruai sawrkarin SASCI hmanga hnathawh a ngah tawh hle a, Ward IX chhungah hian SASCI sum cheng vbc. 3 hmangin storm drain leh internal road eng emaw zat siam a ni tawha, Ward XIX ah pawh SASCI sum cheng vbc. 5 hmangin community hall pahnih sak a ni tawh a, nikum lamah composite fund pawh cheng vbc. 1 Crore lai Ward XIX ah hian a lut bawk a ni,” tiin SASCI hmanga hnathawhte hi Ward IX leh XIX Corporator-te kut zala a tlak tak loh avanga an zual ko ta chiam mai hi a zia lo an ti hle tih an tarlang.