Ward XIX leh IX-ah fund dahve lo?

UD&PA Department-in SASCI loan atanga Composite Work Drain siamna tur Aizawl Municipal Corporation (AMC) hnena cheng cheng vbc. 5 a pek sem zai dan chungchangah AMC Ward XIX Corporator Dr Lalmalsawma Nghaka leh Ward IX Corporator B. Lalawmpuii ten UD&PA Minister K Sapdanga chu vawiin (28.9.2026) khan a pisaah an hmu a, Ward XIX leh Ward IX te tana sum dah an ni ve lo chu hriatthiam harsa an tih thu leh AMC kal tawhah thil la thleng lo anih thu an thlen.

Ward XIX bik chu Cyclone Remal avanga harsatna tuar nasa ber an nih avangin hmasawnna hna thawh an mamawh nasa hle tih Dr Lalmalsawma chuan sawiin, “SASCI sum hi loan a nih avangin mipuiten an la rulh leh tur a ni. Chumi rultu tur zingah pawh Ward XIX leh Ward IX mipuite hi an tel,” an ti.

Corporator pahnih chuan ward fund pawn lam atanga sum lo lut bak chu ruling worker-te thawh thin tur tho a ngaih a nih thu leh corporator an nihna anga an duh ber chu an ward chhunga development hna lo lut hi niin, tu pawhin thawk se, hna a tha a nih chuan an duhtawk thu an sawi.

Ward-ah sum lut ve ta lo chu ward mipuite tan a hrilhhaithlak bakah ward mipuite zahawm an tih thu an thlen bawk a. Hetiang hi a thlen tawh lohna tura hmala turin UD&PA MinisterK. Sapdanga chu an ngen nghal a ni.

Composite Works Drain cheng vbc. 5 UD&PA-in AMC an rawn pek atang ward a an semdarh dan chu hetiang hi a ni.

ZPM coporator bialah cheng nuai 20 theuh
Executive corporator pathumte bialah – ward III,XIII,XVIII ah cheng nuai theuh
Dy Mayor bial ward XVI ah – cheng nuai 64
Executive corporator 1 bial ward VIII ah – cheng nuai 61
Mayor bial Ward VI ah – cheng nuai 50
Ward X (Special?) – cheng nuai 15
Ward IX – nil
Ward XIX – nil