News

Tourism Department buatsaihin vawiin (28.9.2026) chawhnu khan Zo Hall, Chaltlang Tourist Lodge Annex-ah ‘World Tourism Day, 2026’ lawm a ni a, Tourism Minister Lalnghinglova Hmar-in a hmanpui. World Tourism Day 2026 thupui chu ‘Digital Agenda & Artificial Intelligence to Redesigning Tourism’ tih a ni.

Tourism Minister chuan tun digital leh AI khawvelah thlalak leh video kaltlangin Zo nun ze mawi leh Mizoram hmun hrang hrang hmuh tur a lo awm zel tih sawiin, “Kan ram pholang tur hian keimahni kan pawimawh hle a, kan ram mawina thehdarh hi kan mawhphurna theuh a ni. Kan culture leh sakhuana hlauh loa khualzin mite dawngsawng tur leh Mizoram hi tourist destination lian zawka bung thara kan kai theihnan kan vaia theihtawp kan chhuah a ngai,” ti.

Festival hrang hrang rawn awm chho zel turah (Anthurium Festival 1st October- 3rd October, Reiek leh Ailawng a neih turte, Travel Fest te, Hnahsin Kut, Champhaia neih turte, Leitlangpui Festival, Winter Festival leh a dangte) a tam thei ang ber kal turin mipuite chu sawiin Lalnghinglova Hmar chuan, “Mizote hi kan ramah khualzin (local tourist) kan ni thei,” tiin kan ram chhung hmun mawi leh nuam tak tak te fang kuala, Mizoram pawna ami kan hip theihnan a zau thei ang berin social media-a thehdarh a tul thu a sawi.

Vawiinah hian Mizoram Tourism Excellence Award Winner 2026 te puan a ni a, lawmman dawngtute chu :

1.Most friendly Tourist Destination: Sialsuk

2.Best Restaurant/cafe in Mizoram: 14 Beans

3.Best Two wheeler Taxi:Moses Laltlanhlua, Edenthar Veng. ID No -3317

4.Best Tourism Promoter: mizoraminsta (ig)

5.Best Yuva Tourism Club: C.Zakhuma Higher Secondary School

6.Best Taxi:Lalrinmawia, Maubawk MTA No -1463

7.Best Guesthouses/Inn/Hotel/Lodge in Mizoram:Rest Inn

8.Best Hotel in Mizoram:Royale Lalawi Hotel

9.Best Homestay in Mizoram: Connerstone Homestay

10.Best Tour Operator in Mizoram: Xplora Tours &Travels

11.Best Tour Guide : Lalchhantluanga