News

YLA, Ditlang Branch chuan thuchhuah siamin, Gov’t Diltlang High School zirtirtu indaih lohna hriatpuia Lallawmsangzuala (Casual Teacher) dahsak an ni chu lawmawm an tih rualin, May 6, 2026-a transfer order tihchhuah a ni leh mai pawi an tih thu an tarlang.

Gov’t High School, Diltlang tana a thiamna leh theihna zawng zawng seng thintu Lallawmsangzuala hian sikul a chhuahsan chu an khawtlang leh zirlaite tan a pawi thei a nih avangin rem an ti lo tih tarlangin YLA, Diltlang Branch chuan, “Mizoram Sorkarin he transfer order hi a cancelled theihna turin chak takin hma kan la dawn a ni. Kan hmalakna a hlawhtlin a, sorkar atanga chhanna tha kan hmuh hma chu Lallawmsangzuala hian joining report pe turin Diltlang school chhuahsan rih lo tur leh, headmistress pawhin Released Order tichhuak rih lo turin hmalak ni se kan ti. Kan hmalakna leh sorkar kan nawrna hi a hlawhtlin theih nan, khawtlang mipui zawng zawngte YLA hmalaknaah min thlawp tlat tur leh lungrual taka ke min pen pui theuh turin kan inngen nghal a ni,” a ti.