ZPM hruaitu turte puan a ni

Vawiin (24.9.2026) chawhma dar 11 khan ZPM Southern Hqrs, Lunglei office-ah ZPM Sr. Vice President Dr. Kenneth Chawngliana chuan kum 2026 – 2028 chhunga ZPM Southern Hqrs, Lunglei hruaitu tur atana ruatte a puang.

ZPM Southern Hqrs, Lunglei executive committee September 22, 2026 a thukhawm chuan ZPM Southern Hqrs Lunglei hruaitu nilai mek term chu October 2, 2026 hian a tawp dawn avangin hruaitu thar thlan dan tur chungchang hi a ngaihtuah a, ngun taka ngaihtuah anih hnuah ZPM Genereal Headquaters ruat tura rel a nih angin hruaitu tharte hi an ruat a ni.

Hruaitu atana ruatte chu president-ah Lalramliana Papuia (MLA), Salem Veng; sr. vice president-ah Lalduhawma, Ramthar Veng, vice president-ah C Fakzuala, Lunglawn leh treasurer-ah K Lalrinawma, Chanmari-te an ni.

Dr. Kenneth Chawngliana chuan Chief Minister Lalduhoma chu khawvel hmun hrang hranga Zofate min phuar nghettu a nih thu sawiin, “ZPM Party-ah foreign-a Mizoten beiseina nasa tak an nei a, sorkarna kan chan theih nan support tha tak min pein, sum leh pai thlengin an thawh. Kan sorkara kan inpumkhatna thleng mek zel hi a ropui a, a lawmawm hle. Kan CM leh minister-te hi an thawk rim em em a, kan sorkarin a tum ber chu mirethei zawk te chawi kan zel a ni a, hemi atan hian i tawngtai zel ang u,” a ti.