Miss Mizoram hnenah Vespa Scooter

Miss Mizoram 2024, Jeniffer Lalrinzuali Ralte hnenah CK Cars Vespa-in vawiin (30.4.2024) khan Vespa Scooter an hlan.

Vespa Scooter hi CK Group Chairman K Biakthianghlima'n CK Cars, 2 wheeler Division Office, Bawngkawn Lunglei road-ah Miss Mizoram 2024, Jeniffer Lalrinzuali Ralte hnenah a hlan. 

K Biakthianghlima chuan, CK Cars chuan Miss Mizoram 2024 bakah Mizoram thalaite hmasawn zelna tur ngaihtuahpui chu an inhuam reng thu a sawi. 

CK Cars hi fashion industry lama Mizo thalaite kal zelna tura kawng sialtu pawimawh tak anni a, an hmalakna kaltlanga eizawnna hmuh phah te pawh an awm nual tawh.

Miss Mizoram 2017, Rody H Vanlalhriatpuii leh Miss Mizoram, 2018 T. Ramthanmawii te hnenah Vespa Scooter hi an lo pe tawh.

Miss Mizoram 2024, Jeniffer Lalrinzuali Ralte hnena scooter hlanna-ah hian ZONET TV Pvt. Ltd. Advertisement manager T Laldingliana bakah Miss Mizoram, 2024 finalist te an tel a ni.