Miss Mizoram Jennifer-i bihchianna

Miss Mizoram, 2024 atana thlan tak Jennifer Lalrinzuali Renthlei, Republic Veng hi zirna lamah pawh a zahpuiawm loh viau. Jennifer-i hian kum 24 a la pumhlum lo, June 28, 2000 a piang a ni. 

Jennifer-i a pa chu Jacob Lalrintluanga niin, anu Zodingpuii an ni. Unau pathum zingah a upa ber a ni a, nau hmeichhia leh mipa a nei. Zirna lamah BA (Political Science) a pass tawh a, a pass satliah lo distinction-ah ngat a pass. Zirna lam hi a theih chhung chu chhunzawm zel a tum. Miss Mizoram nih vanga zirna chawlhsan a tum lem lo. 

Kum 2022 khan Goverment Aizawl College miss atan thlan a ni a, Miss Northeast Diva 2023-ah Top 20-ah lo lang tawh bawkin, Miss Northeast 2023-ah 2nd runners-up pawh a lo ni tawh. 

Zawhna chhangin Jennifer-i chuan Miss Mizoram title chu a ngaihluin a ngaisang hle tih a sawi a, pageantry a luhchilhna bulpui ber pawh Miss Mizoram vang tih a sawi a, 'Mi puitling zawka min siamtu leh kan nun kal sual tur tam taka min vengtu a ni. Miss Mizoram kan lo neih tawh ṭha tak takte'n keimahah chona leh hma lam pan duhna chi an lo tuh tawh ang khan, keipawhin Miss Mizoram title hmanga ka ṭhalai puite hnenah leh Mizo mipuite hnenah chona leh hma lam pan duhna chi ka tuh ve thei a ni tih ka hria,' a ti.