A buai lo zawng zelin kan kal &#8211; B Lalchhanzova

Vawiin (3.8.2026 chawhma khan ZPM General Headquarters chuan chhung inkhawm party office-ah an hmang a, ZPM Adviser B. Lalchhanzova, Minister of State-in thu a sawi.

B Lalchhanzova chuan sorkar hmalakna hrang hrangte sawiin, “Ni 969 sorkarna fawng kan chelh chhungin tihdik loh palhte kan nei ngei ang, kan hnathawh danah fakna pawh kan dawng nasa hle. Miin min deu avang te, min fak avang te hian tha thlah thei kan ni loa, he ram tan hian hmabak kan la ngah lutuk. ZPM hi mi thenkhatten an party chhung an buai an ti ṭhin, ZPM hi buai tak chunga din a ni a, mahse a buai lo zawng hlirin kan la kal thung. Ram veitu ten Pathian hnenah nasa taka ṭawngṭaia kan dil chhuah a ni. He party hi Pathianin mal a sawm zel theih nan party member zawng zawngte Pathian rawn tam turin ka ngen duh che u a ni,” a ti.

ZPM Adviser chuan, “Ka hriat ve phak chinah chuan ZPM kan sawrkar hnu hian hna lak dan hi a rintlak chho hle a, advertisement chhuah loa hna lak hi kan haw em em vek a, chutiang ang sawi tur a awm ta meuh lo. Hei hian ṭhang thar hna zawng mek te a ti lawm chho mek,” tiin chhawm nun chhhoh zel an bat thu a sawi.