News

Lalchungnunga Mission Vengthlang, Aizawl chu disaster management lama training a pek tam ber avangin Asia Book of Records (ABR) ah a hming a chuang. ABR a hming lang tur hian India book of records a paltlang hmasa phawt a ni.

Lalchungnunga hi 5th IR Battalion constable niin DM&R Department-ah attachment-in SDRF trainer in a awm a, hotuten an detail angin training hrang hrang heng – YMA, YLA,MTP, Police, Home guard & Civil defense, NCC, zchool safety, Aapda Mitra, Yuva Aapda Mitra leh institutional etc, ah te hian training a pe thin a ni.

Disaster management lama a hnathawh that vang hian nikum Independence Day khan Governor’s Gold Medal a lo dawng tawh a ni.

Lalchungnunga hian disaster management course heng – collapse structure search and rescue, flood rescue, rope rescue, fire safety, first aid etc. te hi thatakin a zo. India rama disaster management training center tha ber NDRF Academy Nagpur Maharashtra atangin master trainer a course chhuak bawk a ni.