News

Central YMA chuan thuchhuah siamin, tunhnaiah thalai/rawltharten zan lamah insual rawn leh khawlaia buaina siam thawm hriat tur a awm ta fo mai pawi an tih thu an tarlang a, “Hetiang a nih avang hian kan khawpui hi zan lamah a him ta lo hle niin a lang,” an ti.

Kan khawpuite hi him tak leh ralmuang taka a awm theihna tur leh hetianga khawlaia insual rawn leh buaina siam a reh theihna turin chhungkaw tinte leh branch YMA-te mahni huamchhung theuhah tan la tura ngenin CYMA chuan, “Sawrkar lam thuneitute pawh theihtawp chhuah turin kan ngen bawk a ni,” tiin hetianga buaina a lo thlen chang hian a lo hmutute chu a rang thei ang bera Police (Helpline -112) leh khawtlang hruaitute hnena thlen vat thin turin an ngen.