News

Central YMA chuan H Ramdinpuii (15) d/o H. Malsawma, Mualthuam North thihna chungchangah thuchhuah an siam a, thuneitute tawiawm turin YMA member-te an ngen.

CYMA chuan, “Ni 05.08.2026 (Nilaini)-a Nl. H Ramdinpuii
mi kuttuar ni ngeia boral hi kan lainatin pawi kan ti tak zet. NI. Ramdinpuii tualthihna chungchangah hian pawikhawihtu zawn chhuah a nih ngei theih nan YMA member zawng zawngte thuneitute tawiawm turin kan ngen. Hetihrual hian, hemi chungchanga social media hman kawngah mitinte fimkhur turin kan ngen a ni. Hetiang thil rapthlak tak hi thleng tawh lo se kan duh tak meuh a ni,” ti.

Hetiang a tleirawl nun duhawm takin a nunna a chan ta mai hi a pawi an tiin a kalsan tak chhungkua leh lainate an tawrhpui tak zet tih pawh CYMA chuan an tarlang tel.