May 28, 2026
Thursday
Chanmari Local Council leh Chanmari Branch YMA chuan thuchhuah siamin, tunhnaia Chanmari Veng chhunga lirthei khalh fimkhur loh avanga chetsualna leh thihna hial a thlen bakah insual buaina thleng thin chu pawi a ti hle tih tarlangin, “Hemi chungchang ngaihtuah hian May 27, 2026 (Nilaini) zanah Chanmari Local Council leh Chanmari Branch YMA chuan emergency meeting a nei. Heng a hnuai ami ang hian hma lak tum a ni,” an ti.
An hmalak tum dan :
1.Chanmari Veng mipuite leh veng chhunga rawn lawilutte him zawk nan Chanmari mipuite leh security-te an duty tawh ang.
2.May 29, 2026 (Zirtawpni) zan dar 9:30-ah Chanmari kawnah duty hawnna hun neih a ni dawn. He hmalakna hi a hmingah ‘Save Chanmari’ vuah a ni. He hunah hian Chanmari Veng mipui veng himna atana thahnem ngaite rawn pen chhuak turin kan inngen e.
3.Chanmari Veng chhungah lirthei chak taka tlan thin leh buaina siam chingte fimkhur hle tura hriattir an ni.
4.Dan bawhchhe tute chu an phu tawk hremna an hmuh ngei theih nan hma lak a ni ang.
