CYMA-in MTP Gen. Conference hmanpui dawn

Central YMA hruaitute chuan Mara Thyutlia (MTP) General Conference, 2025 hmanpui turin vawiin (19.11.2025) hian Lawngtlai an thleng a. Central Young Lai Association (CYLA) chuan lo mikhualin, naktuk hian Conference nghahna hmun Chapi khua an pan ang.

CYLA hruaitute nen an inkawmnaah CYMA President R Lalngheta chuan, “Mizo hnam lungrual taka kal a, inpumkhat hi kan duh ber a ni. Kan ram tan leh kan inpumkhatna turin lungrual takin thawk ho ila, tumah inla hrang tham kan awm lo,” tiin Mizo hnam hma hun atan inlungrualna chu thil pawimawh ber a nih thu a sawi.

R. Lalngheta chuan kawng chhe lutuk siamthat hna chu Central YMA-in hmalakna hmasaah a neih thu a sawi a, he hmalakna avang hian Kolasib lam atang pawh in Central YMA hnenah lawmthu sawitu pawh an tam hle niin a sawi.

CYMA President chuan tunlai khawvelah, social media hi a chak tawh avangin fimkhur a ngai tih sawiin, “Thil eng emaw hmanga unau kar a inhmuhthiam lohna siam tum an awm thin,” tiin ipuite chu social media hman kawngah fimkhur tur leh, unau inthen darhna thlen thei laka inveng turin a chah.

MTP General Conference, 2025 hmanpui tur hian Central YMA aiawhin CYMA President bakah Finance Secretary MS Ralte bakah bakah CEC member pathum leh Central YMA Cultural Performing Troupe-te an kal.